Mëngjesi i kësaj të marte ka shënuar hapjen e vitit shkollor 2020-2021, por jo në të gjithë Kosovën.

Të buzëqeshur e të lumtur ishin fëmijët e komunitetit serb, që sot ia filluan vitit të ri shkollor, shkruan arbresh.info.

Gëzimi i tyre vërehej në sytë e tyre, por edhe nga buzëqeshja që e kishin në nën maskë, vetëm e vetëm të mbrohen nga virusi SARS CoV-2, apo ndryshe Covid-19 .

Për dikë ishte hera e parë e për dikë ishte takim me shokët e shoqet e klasës.

Teksa fëmijët e klasave të para po ambientoheshin me njëri-tjetrin, të klasat e tjera procesi mësimor po zhvillohej normalisht.

Ekipi i portalit arbresh.info, ishte sot në ambientin e shkollës fillore “Kral Millutinit”, në Graçanicë, ku dhe ka tentuar të flas më drejtorin e kësaj shkolle por nuk ka pranuar të flasë, ndërsa mësimi po zhvillohej normalisht, dhe duke ju përmbajtur rregullave për mbrojtje nga pandemia COVID-19.

Gjithashtu, lidhur me këtë, arbresh.info ka kontaktuar më Ministrin e Arsimit Shkencës dhe Teknologjisë, por sipas tyre, nuk kanë as edhe një informatë se a është duke u mbajtur procesi mësimor apo jo në shkollat serbe.

“Një herë nuk kam ndonjë informacion, ju lajmërohem pastaj në rast të ndonjë informacioni”, është shprehur Diellza Kukaj, këshilltare e Ministrit të Arsimit, Ramë Likaj.

Kjo ministri ka shtyrë fillimin e vitit të ri shkollorë për datën 14 shtator në Kosovë, me arsyetimin e mos përgatitjes së duhur.

Me startimin e vitit të ri shkollorë ata kanë obliguar personelin arsimor dhe nxënësit për mbajtje të maskës.

Sindikata e Bashkuar e Arsimit, Shkencës dhe Kulturës ka ngritur alarmin se këto maska duhet të sigurohen nga vetë institucionet arsimore./E.Ballazhi/arbresh.info/

https://www.facebook.com/arbresh.info/videos/4355874311150219/